Rregull-ore

Udhëzime dhe rregulla

Përshëndetje e mirësevini!

Mbi Autorin/Autorët

Rreth Autorit aktual të Blogut mund të lexoni diçka këtu: Rreth Meje.

Rreth Blogut

“Rinstinkt Blog” është një blog personal. Kjo do të thotë se, Blogu nuk merr as financime publike e madje as private; përjashtuar punën vullnetare të autorëve të këtushëm (aktualisht vetëm unë; në të shkuarën së bashku me një mik; në të ardhmen nuk i dihet).

Do të thotë gjithashtu se, Autorët nuk kanë ndonjë detyrim për t’u përgjigjur, komentuar apo shkruar mbi temat që kërkojnë lexuesit apo vizitorët e Blogut.

Unë Rinstinkt, apo ndonjë Autor tjetër i Blogur, nuk ka asnjë detyrim ndaj lexuesit (vizitorit) përveçse atij të korrektësisë dhe saktësisë të informacioneve, materialeve dhe elementëve të tjerë që gjenden në shkrimet tona.

Po ashtu, të qenit një blog personal, implikon se Blogu azhurnohet (përditësohet) sipas qejfit ose/apo mundësisë së Autorëve.

Mbi Komentet dhe Të Komentuarit

Për sa u përket komenteve: Të gjithë janë të lirë të komentojnë. Thënë këtë duhet saktësuar se nuk pranohen komentet apo thashethemet të cilat hidhen si shashka për të tërhequr vëmendjen… të tipit “Astrologjia (ajo e horoskopit) funksionon me mua, e kjo dmth se funksionon me të gjithë. Kjo nga ana tjetër do të thotë se Astrologjia është një shkencë“. [Astrologjia, nuk është një shkencë. Asrologjia është një pseudoshkencë. Gjithsesi, askush nuk imponon censurë mbi horoskopin.]

Pra nëse ndokush, kërkon që të bëjë lojra të tipit të ilustrimit të mësipërm është mirë që të vijë me burimine informacionit apo më tej me referencat përkatëse, të verifikueshme e të besueshme.

Natyrisht, Autorët nuk janë asfare përgjegjës për ato që shkruhen apo deklarohen nga komentuesit e tjerë, qofshin anonimë apo jo. Po ashtu, E drejta e autorësisë së komenteve të lëna, u përket Komentuesve (Komentuesit), e mund të fshihet me kërkesë së tij. Ka vetëm një përjashtim: rastet kur ky koment u ka dhënë fillesë debateve apo komenteve të tjera, të cilat plotësojnë kushtet e këtu-shkruara.

Mbi shpërndarjen e materialeve dhe shkrimeve

Poshtë çdo shkrimi gjendet një shirit me disa butona, të cilët me një klik sipër bëjnë të mundur postimin e shkrimit në Facebook, Twitter etj. Këshillohet kjo mënyrë shpërndarjeje. Natyrisht, mund edhe të citoni ku dhe kur të doni, për këtë nuk u ndalon dot njeri (gjithsesi, nën citim është mirë të vendoset një lidhje/link për tek faqja përkatëse).

Botimi i materialeve të këtushme në media të tjera, e veçanëristh nëpër gazeta apo revista elektronike, kërkon një sinjalizim/autorizim me shkrim nga Autori.

Mbi qëllimin/et e këtij Blogu

Blogu, meqë është personal dhe meqë nuk merr financime nga askush përfaqëson në mos totalisht, pjesërisht interesat e Autorëve. (Disa shkrime, edhe pse të botuara nën Rinstinkt, janë punë e një mikut tim, i cili tanimë nuk kontribuon më për blogun.)
Gjithsesi qëllimi është ai i informimit të publikut mbi disa çështje të shkencës e të mentimit kritik. Natyrisht ka edhe përkthime e madje jo pak përshtatje.

Mbi reklamat që mund të shfaqen nën postime

Reklamat që mund t’u shfaqen lexuesve –  të cilët nuk janë të “futur” apo “të lidhur” (logged in) nëpërmjet një llogarie Wordopress.com – janë të vendosura nga WordPress.com dhe jo nga Autorët e Rinstinkt Blog. (Wordopress.com i përdor këto reklama në njëfarë mënyre si këmbim per platformën mbi të cilën ngrihet blogu; e cila është falas.) Pra këto reklama nuk i sjellin asnjë fitim Autorëve të këtij blogu.

Edhe një Ftesë

Meqë qëllimi im kryesor është ai i informimit, nuk përjashtohen shkrime apo kontribute nga Autorë të tjerë; asnjëherë nuk janë refuzuar. Gjithsesi temat e trajtuara duhet të kenë të bëjnë me fushat e shkencës, raportin e kësaj me njeriun, me artin, e sidomos me fushat biomjekësore. Spekulimet dhe shkrimet e natyrës eseistike, shihen me njëfarë largësie, le të themi, edhe pse nuk refuzohen.🙂

 Si mund të ndihmoni?

Lexim të mbarë! (Rinstinkt)

** * **

[Përpunimi i fundit: 19/11/2013]

Lini një koment

Plotësoni më poshtë të dhënat tuaja ose klikoni mbi një nga ikonat për hyrje:

Stema e WordPress.com-it

Po komentoni duke përdorur llogarinë tuaj WordPress.com. Dilni / Ndryshojeni )

Foto Twitter-i

Po komentoni duke përdorur llogarinë tuaj Twitter. Dilni / Ndryshojeni )

Foto Facebook-u

Po komentoni duke përdorur llogarinë tuaj Facebook. Dilni / Ndryshojeni )

Foto Google+

Po komentoni duke përdorur llogarinë tuaj Google+. Dilni / Ndryshojeni )

Po lidhet me %s