Homeopatia: metoda Korsakov

Homeopatia: mit dhe legjendë (2)

Delir, asgjë tjetër: metoda Korsakov

Në homeopati ekziston një metodë, e quajtur Korsakovite, apo Korsakoviane (Korsakovi ishte një nxënës i Hanhemannit, mesa duket po aq dinak!) sipas së cilës mund të përftohet hollimi i tretësirës duke e zbrazur plotësisht ampulën në çdo hap të procedurës, dhe duke e mbushur më pas me ujë të distiluar. Lëngu që mbetet (më mirë të themi, molekulat që mbeten) është memorja e tretësirës së mëparshme. Është plotësisht e vërtetë, nuk tallem aspak! Përdoret shpesh, edhe sot e kësaj dite. Imagjinojini këta “doktorë” (në çfarë viti jemi?) që marrin ujë, e vendosin në një flakon, e tundin për disa minuta dhe pastaj e hedhin përmbajtjen e flakonit tutje, duke e mbushur sërisht dhe kështu me radhë për dhjetra e qindra herë. Ekziston edhe një dozë që përbëhet (çfarë përbërjeje thuaj!) nga njëmijë hollime të njëpasnjëshme!

Mendoni se është një metodë që nuk përdoret më?

Absolutisht jo! Për shembull, “ilaçi” homeopatik kundër-grip (anti-influencal) Oscillococcinum është një nga më të shiturit në botë. Jep fitime prej 15 milionë dollarësh në vit, në SHBA. Oscillococcinumi përbëhet nga 200 hollime të Korsakovit. Ç’të thuash!!

Doktorët dhe farmacitë pro-homeopatisë

Reklama

Erdhi gripi, erdhi homeopatia

Erdhi gripi, erdhi gripi. Çfarë do bëjmë? Gjithçka veçse jo të blejmë produkte homeopatike. Mund të përdorni aspirinën nëse nuk keni ndonjë problem po inat të pashpjeguar me firmat farmaceutike. 😉

Virusi i gripit (influencës) nuk ju ka kapur akoma?  Mirë.

Gjithsesi, kujdes! Ndonjë farmacist (që shet produkte homeopatike) mund t’ju këshillojë Oscillococcinum-in e famshëm (për të cilin do të flas edhe unë në të ardhmen më specifikisht). Kujdes, kujdes: rekomandohet një dozë në javë përndryshe mund t’ju lind diabeti – këshillë e imja kjo. 🙂 Kjo natyrisht është një batutë që ka baza, të vërteta; jo fallco si “bazat” e metodës homeopatike. Oscillococcinum-i ka një përbërje prej 60% glukoz dhe 40% laktoz; për ata që nuk marrin vesh fare nga kimia (elementare), do të thotë 100% sheqer. Pra, zotërinj dhe zonja, mos u gënjeni nga ata farmacistë që ju thonë të kuroni gripin me sheqer. Pak sens kritik ju lutem.

Nëse mendon se nuk mjafton, farmacisti (homeopat-ik) mund të thotë:“mund të merrni një preparat të Rosa canina-s: 15 pika në ditë të holluara me pak ujë për tre javë në muaj. Kjo kurë ju lejon të rrisni tej mase mbrojtjen nga viruset influencale (e gripit).

Por nëse pini herë pas here lëng portokalli apo limoni (mbase në mengjez) mund të jetë edhe më mirë…

Por për ata që janë të sëmurë?

Nuk ka fare fare problem. Farmacisti ju këshillon sërisht Oscillococcinum-in. Po po, Oscillococcinum-in, por kësaj radhe 2-3 herë në ditë, çdo 6 orë, por, vetëm për 2-3 ditë.

Nëse i qëndroni pranë një të sëmuri, ka rrezik që të infektoheni, kështu që Oscillococcinum edhe për ju… Oscillococcinum për të gjithë ore!

Farmacisti vazhdon: “në rast temperature më të lartë se 38 gradë celsius, për fëmijët por edhe për të rriturit këshillohen 5 kokrra të Belladona-s, çdo 2 orë…

Nëse e pyesni farmacistin (homeopat-ik), për sa kohë duhet të kuroheni, ai do të thotë: “në harkun e 3-5 ditëve simptomat e gripit zakonisht zhduken”.

Natyrisht natyrisht, 3-5 ditë. Aq sa koha e nevojshme që i duhet trupit për të nënshtruar simptomat e gripit (nëse nuk ka ndërlikime të tjera). Kështu që pasti trupi ka reaguar, ju të mund t’ia jepni meritat sheqerit që keni pirë… sheqer që e keni blerë shumë shumë më shtrenjt se sheqeri i zakonshëm. Pilulat me sheqer, që të vetmin efekt që kanë është ai placebo, marrin efekte të paqena kurative. Shkëlqyeshëm!

Pra, një pyetje: mendoni të kuroni gripin me produkte homeopatike?

“Lufta” kundër homeopatisë, “lufta” kunër Boiron-it

Lufta kundër Boiron-it

Firma shumëkombëshe e homeopatisë, Boiron, është e detyruar që t’u jap informacione më të plota (dhe më realiste) konsumatorëve amerikanë – dhe jo vetëm.

Vitin e kaluar në dy procese kolektive që kishin të bënin me Oscillococcinumin, produktim më të suksesshëm të Boiron-it, gjykatat e Kalifornisë u dhanë të drejtë klientëve që pretendonin se ishin mashtruar mbi mallin e blerë. Siç mund të parashikohej, u arrit një marrëveshje, në qershor, për të shmangur procese të tjera; Boiron SHBA ka pranuar të rimbursojë 5 milion dollarë: deri në $100 për familje për produktet e blerë nga 2000-shi dhe më pas dhe për të cilët ende zotërohet fatura; deri në $50 ose $10 për produktet pa faturë.

Në 13 gusht, në një séancë në gjykatën e San Diegos duhet të përcaktohen shpenzimet legale (gjyqësore) në ngarkim të Boiron-it dhe njëfarë “rimbursimi” për ata konsumatorë që i kanë përballuar vetë ato shpenzime (në mbrojte të konsumatorëve!). Duhet gjithashtu të vendoset data e hyrjes në fuqi të masave të marrëveshjes dhe  afati brenda të cilit konsumatorët duhet të prezantojnë kërkesën për rimbursim, për 43 produkte.

Boiron-i duhet të shpenzojë $ 7 milion për të eliminuar komunikatën ndaj publikut sipas së cilës produktet e veta  përmbajnë përbërës aktivë “efikas” kundër një sërë sëmundjesh dhe disfunksionesh. Për shembull, në ditën e hyrjes në fuqi të masave të caktuara nga gjykata, duhet të ketë hequr (ndërruar) të gjitha konfeksionet sepse afër indikacioneve për sëmundjet dhe disfunksionet e ndryshme duhet të figurojë edhe diçitura: “Këto përdorime nuk janë vlerësuar nga ‘Food and Drugs Administration’ (FDA)”.

Duhet gjithashtu të ketë modifikuar web-sitet e veta sipas marrëveshjes së bërë, për shembull, duke shpjeguar qartësisht nivelet dhe metodat e tretjes. Kjo, sipas gjasave, do të çojë në diferenca midis informacioneve që gjenden mbi të njëjtin produkt në SHBA dhe në vende të tjera.

Në rast se $12milion u duken të tepërt, ju kujtoj se Boiron-i ka një fitim vjetor prej rreth $600 milionësh. Në një marrëveshje të ngjashme GlaxoSmithKline ka pranuar të paguajë një gjobë prej 3 miliardësh ndërsa Abbot Laboratories një gjobë prej 1,6 miliardësh.

 

Rinstinkt, Gusht 2012