Vegjetarianët nuk janë edhe aq të shëndetshëm

Vegjetarianët nuk janë edhe aq të shëndetshëm

Studimi tregon se ata që ndjekin një dietë vegjetariane (pra jo të balancuar) nuk kanë një shëndet të mirë…

Lexuesi i nderuar i blogut tim, i vogël si ndërmarrje personale por i madh si influencë, do të ketë dëgjuar dhe lexuar padyshim mbi pohime të hedhura si fakte, sipas të cilave thuhet përafërsisht se: ata që ndjekin një dietë vegjetariane kanë një jetë më të shëndeshme dhe jetojnë më mirë, duke patur edhe më pak sëmundje.

Zarzavatet sot janë të lumtura sepse do të jetojnë më gjat, ngase darka për autorin e këtyre rreshtave do të gatuhet me mish viçi. :)

Zarzavatet sot janë të lumtura sepse do të jetojnë më gjatë, ngase darka, për autorin e këtyre rreshtave, do të gatuhet me mish viçi. 🙂

Ky pohimi i fundit, si çdo legjendë tjetër ka një bazë të vërtetë meqë studime të botuar dhe konfirmuar në vitet e fundit falasn për një lidhje/relacion mes konsumit të tepruar të mishit të kuq gjatë disa periudhave të jetës së njeriut dhe kancerit të zorrës së trashë. Megjithatë, kjo lidhje nuk implikon se, me të ndaluar ngrënien e mishit të kuq shuhet edhe risku i zhvillimit të kancerit të zorrës së trashë, meqë ndryshoret e përfshira në këtë “ekuacion të shëndetit” janë të shumta.

Por këto legjenda mbi të mirat absolute të dietës vegjetariane, hera herës të shitura edhe si fakte po fillojnë të bienë, si kështiellat prej rëre.

Sipas një studimi të realizuar nga një ekip kërkimor shkencor i Universitetit austriak të Graz-it, ku janë ekzaminuar1320 qytetarë, dieta vegjetariane nuk ësthë dhe aq e shëndetshme, ose më mirë të them se, një dietë jo e ekuilibruar si ajo vegjetariane është e lidhur me një jetesë më pak të shëndetshme.

Sipas studimit në fjalë, ata që refuzojnë të hanë mish, pra që ndjekin një ditë vegjetariane, kanë më shumë probleme alergjie, probleme mendore e madje edhe tumore; këto në krahasim me subjektet që hanë edhe proteina me origjinë shtazore brenda një diete të ekuilibruar, pra gjithçkangrënëse (omnivore).

Ekspertët nga Universiteti i Graz-it, në studimin e tyre, dhe në përfundimet e tij, vënë në dukje se, personat që zgjedhin dietën vegjetariane janë më aktivë dhe më pak të prirë për të ndjekur stile jetese apo zakone të dëmshme për shëndetin si pirja e duhanit apo pirja e alkolit. Por, njëkohësisht, këta individë që ndjeklin një dietë të çbalancuar vegjetariane, kanë më shumë rrezik për të zhvilluar probleme ankthi, depresioni dhe alergjie. (Të shihet Tabela më poshtë.)

Tabelë e nxjerrë nga studimi.

Tabelë e nxjerrë nga studimi. (Burkert NT, Muckenhuber J, Großscha¨dl F, Ra´sky E´, Freidl W (2014) Nutrition and Health – The Association between Eating Behavior and Various Health Parameters: A Matched Sample Study. PLoS ONE 9(2): e88278. doi:10.1371/journal.pone.0088278)

Në seksionin e diskutimit dhe të përfundimeve, autorët e studimit në fjalë thonë se, vegjetarianët raportojnë shëndet më të dobët, kërkojnë trajtim mjekësor më shpesh dhe se kanë një cilësi jete më të dobët krahasuar me subjektet e tjerë nën analizë. Për më tepër, kur u analizua frekuenca e sëmundjeve kronike, u gjet se incidenca e kancerit ishte më e lartë tek vegjetarianët sesa tek subjektet me zakone dietike të ndryshme nga vegjetarianizmi.

Studime të ndryshme, thonë shkencëtarët, kanë treguar efektet e dietës vegjetariane mbi shëndetin mendor. [9.15.16] Vegjetarianët në studimin e autorëve në fjalë vuajnë, në mënyrë domethënëse, nga çrregullime të ankthit dhe/apo të depresionit. Për më tepër, vazhdojnë shkencëtarët, të dhënat e mbedhura nga individët në fjalë tregojnë se vegjetarianët kanë një cilësi jete më të varfër në terma të shëndetit fizik, marrëdhënieve shoqërore dhe të faktorëve ambientalë.

Këto të dhëna nuk duan të thonë medoemos se problemet shëndetësore të vegjetarianëve vijnë ekskluzivisht nga ndjekja e një diiete vegjetariane, por mund të jenë edhe rezultat i fenomenit sipas të cilit, shpjegojnë shkencëtarët, vegjetarianët e studimit në fjalë apo edhe më gjerë e ndjekin një dietë të tillë për shkak të gjendjes së tyre shëndetësore… meqë shpesh nëpër media kjo dietë apo të ngjashme të saj prezantohen nga jo-profesionistët si një metodë për të menaxhuar peshën trupore dhe shëndetin.

Megjithatë, përtej rezultateve, shkencëtarët nuk harrojnë të tregojnë një kujdes të veçantë në theksimin e limiteve të një studimi të tillë; kur të dhënat nuk janë mbledhur në vijimësi por janë marrë në një moment specifik (cross sectional), duke kryer njëfarë prerje tërthore. Të dhënat e marra në një të tillë mënyrë nuk japin mundësi për ndërtimin e një lidhjeje shkakësore mes ndryshoreve apo fenomeneve të bashkëlidhura. Pra, përfundojnë autorët, nuk mund të bëhen pohime nëse shëndeti më i dobët i vegjetarianëve në studimin në fjalë i detyrohet dietës së tyre apo nëse kjo formë diete ndiqet (nga subjektet vegjetarianë) për shkak të problemeve të tyre të shëndetit.

Burkert NT, Muckenhuber J, Großscha¨dl F, Ra´sky E´, Freidl W (2014) Nutrition and Health – The Association between Eating Behavior and Various Health – Parameters: A Matched Sample Study. PLoS ONE 9(2): e88278. doi:10.1371/journal.pone.0088278

[Nëse postimi të pëlqeu dhe do të qëndrosh i/e azhornuar, atëhere mos harro të vendoshësh një “Like” tek faqja e blogut në Facebook.]

————————————————————————————-

 

Reklama

Çfarë është një animalist?

Çfarë është një animalist?

Një përkufizim për animalistët

ANIMALIST

Imazhi që kanë animalistët, shqiptarë ose jo, në mendjet e njerëzve racionalë.

Imazhi që kanë animalistët, shqiptarë ose jo, në mendjet e njerëzve racionalë.

1. Qenie njerëzore që i dashuron fort kafshët. Flitet gjithsesi për një nënspecie të qenieve njerëzore e emërtuar si Homo përkafshët vrasnjerëz. Animalistët kanë një kuocient inteligjence shumë të lartë [mungon citimi!!!!11!] , gjë që u mundëson të çajnë trapin e 99% të popullatës botërore, me kërkesat e veta foshnjërake.
2. Qenie, kryesisht e seksit femër, e cila është gati që për hir të pellushit që ka tek shpia të refuzojë statusin e vet të species që mbizotëron në zinxhirin ushqimor. (Megjithatë mund të ngushëllohemi me faktin se deri më sot nuk kemi parë ende nëna/mama që të vrasin fëmijët e vet për hir të mirëqenies së kafshve. Ky do të ishte kulmi i emancipimit!!!1!!)
3. Nazi-komun-malistë. Nënspecie animalisti; mendohet se janë pasardhës ideologjikë të lëvizjeve totalitariste si nazizmi/komunizmi, të cilët në emër të barazisë absolute, sikundër komunistët, dhe mirqenies së kafshve, sikundër nazistët, janë gati të akuzojnë dhe shfarosin gjithë njerëzit nga faqja e dheut, në emër të barazisë me kafshët.

Citime dhe aforizma mbi animalistët

Animalistë të shquar kanë thënë:

Vdekje njerzve që vrasin kafshët!!!11!!!
Animalist albanez në protestë

Unë, edhe bar ha, vetëm lopa të vdes nga pleqëria!!1!!!!
Animaliste lopë-dashëse

Më mirë një kulish me peliçe, që të mban ngrohtë, sesa një burr që e ka kraharorin me qime!!1!1!
Animaliste anonime, dhe përherë singël, duke folur mbi tema dashurore me shoqërinë.

Im at ishte një gjuetar i madh… dhe kur e kundërshtoja, njerëzit më pyesnin duke më bërë gjithnjë të njëjtën pyetje budallaqe: “Po nëse yt at vdes në një incident gjatë gjuetisë?”Përgjigjja ime: meqënëse është im at, padyshim që do të më vinte keq për të, megjithatë bota do të kishte një gjuetar trap më pak!!1!!!
Një animaliste që e do shumë të atin

Jeni ju që jeni të panevojshëm!!1!!!1 Përse nuk vrisni veten dhe i lini qentë të lirë????? Jeni vetëm skllevër të lobive të shpive farmaceutike… ndërsa ne, animalistët, dimë të vërtetën e madhe!!! Ne jemi e vërteta dialektike!!!1!!!!! Ne jemi të emancipuar, rrofshin kafshët, vdekshin njerëzit!!111!
Një animalist shqiptar, në mbrojtje të qenve të rrugës

Kanë thënë për animalistët

Animalistët i tres me shumë vështirësi…
I mirënjohuri Hannibal Lecter mbi animalistët

Animalistët nuk kuptojnë se kërkimi shkencor mund të kurojë edhe vonesën e tyre mendore.
Një njeri që ka qejf shkencën

Animalistët, duke kërkuar materien e vet gri: “Error 404, object not found!”
Qenie me inteligjencë artificiale mbi animalistët

 

vazhdon…

 

————————————————————————-

Mes animalistëve shqiptarë…

Një udhëtim në botën e animalistëve shqiptarë

Të martën, mësoj se në Tiranë, përpara Bashkisë, është bërë një protestë nga një grup njerëzish, të cilët protestonin për vrasjen e qenve të rrugës nga institucione të lidhura me qeverisjen lokale.

animal cheBashkia e Tiranës duket se ka ndërmarrë një fushatë pastrimi të rrugëve të qytetit nga qentë endacakë dhe të papronarë apo të braktisur nga pronarët. Nisma e Bashkisë së Tiranës është një nismë e nevojshme, por që nga mënyra e procedimit kërkon debat, me të drejtë.
Është e nevojshme si nismë sepse qentë e rrugës janë një problem për qytetarët që jetojnë përditë në Tiranë, e gjetiu. (Se përse janë problem këtë bëni mirë t’ua kërkoni atyre që aktualisht jetojnë në Tiranë.)
Nga ana tjetër kërkon debat sepse siç e tregojnë edhe këta njerëz që protestojnë, mënyra e zgjedhur nuk përshtatet me botëkuptimin e tyre, apo të një pjese specifike të popullsisë.

Duhet thënë se protestuesit kërkonin që kafshët të mos vriteshin, por nga ana e tyre nuk jepnin ndonjë propozim më të mirë, më sustainable, pra të përballueshëm dhe racional, për zgjidhjen e këtij problemi akut dhe pse jo kronik.

Që do të thotë, se, nëse ka kërkesa që ato kafshë endacake të trajtohen si mbretër, këta protestueseë duhet t’i paraqesin qeverisjes lokale apo qëndrore fondet me të cilat të përballohet ky trajtim i kafshve endacake sikur të ishin mbretër.

Personalisht më duket se qeverisja lokale apo ajo qëndrore kur ballafaqohet me të tilla problematika duhet ta zgjidhi çështjen me racionalitet dhe me sa më pak klithma e ulërima.

Nëse ekziston një mënyrë tjetër për të zgjidhur problemin e qenve të rrugës, atëhere këta protestues do të bënin mirë që t’ia propozonin qeverisjes, lokale apo qëndrore. Thjeshtë protesta nuk mjafton, meqë nesër mund të dalë ndokush dhe të pretendojë se ngjyra e qiellit nuk i pëlqen… dhe do të qielli, bie llafi, të ketë një ngjyrë mavi apo manushaqe.

Pra të pretendosh ngritjen e “shtëpive të pushimit” për qentë e rrugës, kjo më duket krejt foshnjarake, dhe ngjason me qëndrimi i kalamajve që u kërkojnë prindërve të vet, gjëra të pamundura pa dashur t’ia dinë se si dhe se çfarë implikimesh kërkon një gjë e tillë. Përse? Sepse ngritja e këtyre qëndrave do të kërkonte fonde, të cilat ma ha mendja se mund të përdoren në mënyra të tjera në shërbim të drejtëpërdrejtë të njerzve. Të ndërtosh këto qendra, do të thotë se do t’u jepet qenve një vend qëndrimi në pritje të një adoptimi. Gjë që është shumë pak propabël, meqë po të sihte kështu nuk do të kishim përfunduar këtu ku jemi… Pra nuk do të kishte patur arsye që njerzit t’i braktisnin kafshët…

Por krahasimi i mësipërm çalon, sepse protestuesit për nga mosha nuk janë foshnje; duket se janë goxha të rritur. Me gjithatë, këta protestues nuk e kuptojnë, apo nuk duan ta kuptojnë se administratorët qëndrorë dhe/apo lokalë duhet të kenë disa përparësi. Njerëzit që kemi vendosur në administratë, apo që janë katapultuar në administratë në një mënyrë apo në një tjetër, mendohet se qeverisin njerëzit, dhe jo kafshët.
Pra administrata lokale apo qëndrore duhet të ketë në thelp të politikave të saja mirëqenien e njerëzve. Që do të thotë, me pak fjalë, se nëse për të patur apo mbërritur në një gjendje më të mirë për njerëzit, kërkohet edhe burgimi apo edhe vrasja e qenve endacakë, atëhere nuk shikoj se përse kjo nuk duhet të bëhet.

Kjo mund të shtrohet ndryshe kështu, mes kafshve dhe njerzve, kë duhet të zgjedhim? Unë zgjedh, njerëzit, pa dyshim!

Tani le të bëjmë udhëtimin mes animalistëve (#nazimalistëve) shqiptarë…
Ja disa pamje të komenteve të lëna në faqen e lëvizjes së tyre në Facebook; pamjet e mëposhtëme janë marrë, dje mbërma datë 25.03.2014 në faqen Facebook të AnimalRescueAlbania. Në momentin e fiksimit komentet e mëposhtëme ishin publike. Ndërkohë këto komente mund edhe të jenë fshirë, nga administratorët apo nga personat përgjegjës.

animalistët 1

Zonja apo zonjusha duket se për të mbrojtur qentë, pavarësisht faktit nëse këta qenër janë problem apo jo për shoqërinë dhe njerëzit që jetojnë në Tiranë, uron me vdekje, siç edhe mund të shihet më sipër, disa njërëz, që ndryshe nga kafshët, për të ngrënë bukën e ditës apo për të mbajtur fëmijët e vet, u duhet të punojnë…

 

animalistët 2

Ndërsa kjo zonjë/zonjushë tjetër, u uron një vdekje të ngjashme. Mund të themi, pa dyshim, se personi në fjalë në një luftë hipotetike për mbijetesë mes njerzve dhe kafshve, do të zgjidhte kafshët. Megjithatë, nëse pohimi apo supozimi i bërë nga unë nuk qëndron, do të jem mjaft i kënaqur që ta modifikoj…

 

animalistët 3

Kjo zonja/zonjusha tjetër, u uron funksionarëve të administratës një kancer… shpresojmë që të mbetemi në nivel urimi. Përndryshe psersoni në fjalë, sipas ligjeve, europiane mund të përndiqet penalisht. Madje, për këtë dhe raste të tjera të ilustruara policia e shtetit nuk do të bënte keq të hetonte.

animalistët 4

Një urim tjetër. Shpresoj shërisht, të mbetemi në nivel urimi, pa kaluar në praktikë…

animalistët 5

Ky është një koment emblematik, që ilustron më së miri atë që analistët dhe filozofët që merren prej kohësh me lëvizjet majtiste për të drejtat e kafshve, e quajnë një formë të re feje, që kërkon apriori të drejta të barabarta mes kafshve dhe njerzve. Për më shumë mund të lexohet një artikull i botuar në këtë blog, disa kohë më parë: “Reflektime etike mbi “të drejtat e kafshëve

 

animalistët 6

Ky është urimi më i bukur që mund të marri një njeri nga një tjetër njeri… që do kafshët.

Meqë këtu në këtë blog, së bashku me miq, kemi kohë që merremi me këto fenomene të irracionalitetit njerëzor, për këto lëvizje të reja pothuaj-fetare e dogmatike… më poshtë po shtojmë një listë modeste me artikuj që kanë të bëjnë thelpësisht me marrëdhënien e njeriut me kafshët.

>Reflektime etike mbi “të drejtat e kafshëve”
>Sterilizimi dhe pseudombrojtësit e kafshëve
>Anestezia në eksperimentimin me/mbi kafshët
>Shfarojse po, eksperimentim jo – irracionaliteti animalist
>Himnizimi i Dhunës
>Antiviviseksionistë si Kreacionistë

Rinstinkt, 2014

——————————————————————————–

 

Alternativa e mashtrimit

Disa përsiatje mbi shkrimin: Gabimi fatal ndodhi… shkruhet mbi varrin e Steve Jobes-it

Beware - The cancer quack

The cancer quack

Dua të sinjalizoj, për lexuesit e rregullt të kësaj faqeje, një shkrim shum interesant dhe tellallisës të doktor Myftar Barbullushit, të botuar tek Gazeta Panorama më 26 shkurt 2014, dhe të lexueshëm në këtë nyje.

Shkrimin e vet doktor Barbullushi e fillon me një përshkrim të një ndodhie interesante, që i përket jo vetëm fushës mjekësore, epidemiologjisë por edhe fushës së përftimit të dijeve dhe më tej mënyrës racionale të të menduarit. Ka të bëjë me atë që quhet triali i parë klinik, që mëpastaj rezultoi në gjetjen e “kurës” për sëmundjen e skorbutit.

Për ata që nuk e dinë, sëmundja e skorbutit ka të bëjë me një deficencë vitamine C, thënë ndryshe acidit askorbik.Vitamina C është e rëndësishme në atë që unë, për thjeshtësi po e quaj, transformimi post-sintezë i kolagjenit. Që ka të bëjë me oksidrilimin e prolinës dhe lizinës në molekulën e kolagjenit. – duke i bërëvargjet e kolagjenit të përfitojnë funksionin e vetë të plotë, pra rezistencë të plotë.

[Lexo: Kolagjeni, vitamina C dhe roli i saj në stabilizimin e strukturës së kolagjenit]

Doktor Barbullushi, mendoj, e fillon pikërisht në këtë mënyrë shkrimin e vet për të vënë në dukje se, ka një mënyrë racionale dhe shkencore se si përftohet dija. Një dhe vetëm një. Dhe dijet dhe metodat që pretendojnë të kurojnë pacientët dhe patologjitë e tyre, duhet të jenë përftuar sipas një mënyre dhe metode të çertifkuar dhe të përsëritshme; asaj shkencore.

Rasti i D.C. Lind-it është emblematik, meqënëse ai, me mjetet dhe njohuritë e pakta të zotëruara askokohe, qe në gjendje që të përshkruante sëmundjen e skorbutit në mënyrë racionale, të dallonte zhvillimin e sëmundjes në raport me kushtet ambientale dhe ushqimore, e të demonstrojë se si ishte e mundur kurimi i skorbutit me shtimin në dietë të portokalleve dhe limonave. Lind-i tregoi, përtej çdo dyshimi të arsyeshëm se, ngrënia e protokalleve dhe limonave kuronte apo më mirë të themi i jepte trupit të njeriut (me skorbut) një element i cili më parë, në gjendjen skorbutike, i mungonte. Natyrisht shkencëtari Lind, në kohën kur jetonte, nuk kishte dijeni dhe mjete për të njohur strukturën e vitaminës C apo më tej, mekanizmin e saj të funksionimit mbi molekulën kolagjenore. Megjithatë, kjo nuk e bën zbulimin e tij më pak të vlefshëm; thjeshtë zbulimi se agrumet parandalonin, apo kuronin skorbutin, ishte në vetvete një revolucion në mënyrën e të menduarit dhe të përqasurit ndaj problemeve.

Natyrisht që bashkëkohës dhe paraprirës të Lind-it kishin tentuar ta kuronin skorbutin, dhe jo vetëm këtë, në mënyra “alternative”, siç i quajnë në gjuhën popullore. Natyrisht pa ndonjë sukses. (Duhet thënë gjithashtu, se në fillimet e veta mjekësia nuk i kishte kufijtë mjaftë të ndarë me praktika të tjera jo edhe aq shkencore.)
Pa sukses pikërisht sepse kjo mënyrë alternative nuk ekziston.

Ata që zakonisht pretendojnë të kurojnë me mënyra “alternative”sëmundje me mekanizma etiopatogjenetik të njohur, janë në më të mirën e rasteve disa budallenjë. Në rastet më të kqija budallenjtë janë ata që bien në grackën e këtyre sharlatanëve, e këta të fundit janë disa individë meskinë që përfitojnë nga padituria e njerzve, shpesh duke krijuar edhe një pasuri të konsiderueshme mbi jetët dhe dëshpërimin e të tjerëve.

[Për shembull, sharlatanët që pretendojnë të kurojnë diabetin pa insulinë.]

Lexuesi, duhet të kuptojë se nuk ekziston një alternativë ndaj mjekësisë. Mjekësia, ajo zyrtare, është e vetmja që mund të kurojë, dhe kjo meqënëse është e vetmja që bazohet mbi të dhëna të faktuara dhe mbi një mënyrë racionale të përftimit të dijeve.
Praktikat e tjera, të reja ose të vjetra, të cilat kanë treguar apo kanë qenë në gjendje t’i nënshtrohen skrupolozitetit të metodës shkencore, janë integruar apo integrohen vazhdimisht në praktikën mjekësore rutinore.

Të gjitha praktikat e tjera, të cilat pretendojë të kurojnë/shërojnë duke apeluar për entitete, mekanizma apo gjëra të tjera të çuditshme e të pakuptueshme nga “mjekët e zakonshëm” apo të fshehura pas një gjuhe dhe një “aure” misterioziteti, janë mashtrime ose më shpesh disa sharlatanizma të kota.
Dhe jo vetëm që nuk kurojnë, por shpesh edhe shkaktojë dëme, sëmundje, apo deri edhe vdekje të pacientëve/individëve të drejtohen për tek këto praktika të quajtura skuthërisht “alternative”, por që alternative nuk janë, meqë nuk ofrojnë asgjë alternative përveç mashtrimit dhe gënjeshtrës.

[Lexo: Kura me sodë buke, merret i pandehur “onkologu” italian – Panorama.com.al]

[Lexo: Burgim për guru-n alternativ]

Por mbi këto probleme do të kemi rast të flasim edhe në të ardhmen.

Rinstinkt, 2014

———————————————————————————

Burgim për guru-n alternativ

Kevin Trudeau, një guru i mjekësisë alternative, dënohet nga autoritetet amerikane me 10 vite burg

Kevin kush? Kevin Trudeau?

Kopertinë libri që ilustron se si z Trudeau i bënte reklamë/bujë bëmave të veta... "alternative".

Kopertinë libri që ilustron se si z Trudeau i bënte reklamë/bujë bëmave të veta… “alternative”.

Kevin Tudeau, i cili ka qenë dhe do të jetë simboli perfekt i atyre që duke shfrytëzuuar propagandën kundër mjekësisë zyrtare, të vetmes mjekësi, asaj të bazuar në prova dhe fakte, pra duke ngritur një propagandë kundër mjekësisë dhe mjekëve, shesin shpifësirat dhe sharlatanizmat e veta, duke i cilësuar si alternative.

Pikërisht ky Kevin Trueau ka marrë një dënim me 10 vite burg për mashtrimet e veta.

Një kurë alternative, nga guru Kevin Trudeau”, “Një dietë alternative nga guru Trudeau”, e kështu me rradhë… Të gjitha alternative, asnjë zyrtare, sepse sipas komplotomanëve, zyrtare do të thotë se është e mjekëve mazokistë, ose e big pharma-s, ose e ndonjë komploti që do të mbarështrojë njerëzit si me qenë lopë stallash.

Z. Trudeau është i famshëm në Amerikë meqë ka shitur një det me libra të tipit “Dieta që ‘ata’ nuk duan që ti të njohësh” apo “Kura natyrore që ‘ata’ nuk duan që ti të njohësh”… Kuptohet se me ‘Ata’ u referohet ‘klikave dhe aleancave të errëta’ mes mjekëve ‘të korruptuar’ dhe shtëpive farmaceutike. Shembull klasik i komplotomanisë, që këto kohët e fundit, më shumë se kurrë, gjen një përhapje të madhe edhe në Shqipëri, me njërëz dhe personazhe publikë që sheshin dieta, përqasje, mendime, të gjitha alternative, si zëvendësuese të fakteve dhe të vërtetave mjekësore e shkencore.

Duke shfrytëzuar adiencën e tyre, të përftuar jo nga dijet mbi mjekësinë por nga llafollogjia, këta personazhe publikë shërbejnë si shtojzovalle me pankarta ku reklamojnë alternativa si, gjëmbi i gomarit, krimba kinezë që kurojnë çekuilibrat e humoreve të trupit, muhabeti me shokun që kuron depresionin, soda e bukës që kuron kancerin apo një copë fekalesh elefanti që të ndihmojnë në pastrimin e trupit nga papastërtitë…

Megjithatë kthehemi sërish tek z. Trudeau, i cili ka qenë i dënuar më parë me një gjobë prej 2 milion dollarësh, për mashtrime të ndryshme. Kësaj radhe, për mashtrimet e veta, dënohet sërisht të paguajë një gjobë të kripur, dënim të cilin nuk e kryen, e kështu e fusin në burg për 10 vite.

Ndërkohë keqardhja është për ata të cilëve u ngrin buzëqeshja në fytyre kur marrin vesh se e kanë ngrënë sapunin për djathë. Por edhe më shumë keqardhje ka për ata që, edhe pas ndalimit të këtyre sharlatanëve mashtrues nga autoritetet amerikane, vazhdojnë dhe shikojnë ëndrra tek alternativat jo-shkencore.

Lajmi: TV pitchman Kevin Trudeau sentenced to 10 years in federal prison for bilking customers

——————————————————————————————–