Personat me IQ më të lartë, dinë të filtrojnë…

Zbulohet një lidhje mes kuocientint të inteligjencës dhe perceptimit të lëvizjes

Personat me IQ më të lartë, dinë të përqëndrohen – dinë të filtrojnë informacionin e panevojshëm

Pamja e shufrave/vijave

Pamja e shufrave/vijave – University of Rochester

Kërkuesit e Universitetit të Rochester-it kanë zbuluar se një detyrë e thjeshtë pamore mund të parashikojë kuocientin e inteligjencës – IQ. Në studim, personat që iu nënshtruan punës kërkimore, shikonin një video që tregon shufra/vija të bardha dhe të zeza në lëvizje e sipër. Detyra ishte që personat të dallonin drejtimin e lëvizjes; në të majtë apo në të djathtë?

Imazhet, pamjet u paraqitën në përmasa të ndryshme dhe kërkuesit matën se sa ishte koha e nevojshme derisa subjekti të dallonte qartësisht drejtimin e lëvizjes së shufrave.

Duke qenë se truri priret të filtrojë lëvizjen në sfond, për pjesën më të madhe të personave ishte e vështirë identifikimi i drejtimit të lëvizjes së pamjeve “të vogla”.

Studimi tregoi se personat me IQ (kuocient inteligjence) më të lartë kishin prestacione më të kqija në identifikimin e drejtimit të lëvizjes së pamjeve me përmasa të mëdha; ma fjalë të tjera, filtronin më mirë informacionin apo stimujt pamorë që vinin nga sfondi, pikërisht kjo ua bënte detyrën më të vështirë.

[Modifikuar]

Le të thellohemi pak në mënyrën se si është realizuar studimi në fjalë

Kërkuesit kanë ndërtuar një teks pamor rezultatet e të cilit tegojnë se në perceptimine objekteve në lëvizje truri i personave me kuocient inteligjence të lartë është më selektiv, duke arritur të shtyp, hesht automatikisht lëvizje pak domethënëse që eventualisht mund të gjenden përreth – në atë që është sfondi i qëndrës së vëmendjes.

Gjatë eksperimentit, grupit të subjekteve u është kërkuar të shikojnë disa video në të cilat shfaqeshin disa shufra, vija në lëvizje, drejtë të majtës apo drejtë të djathtës.

Duke analizuar kohën e nevojshme për çdo subjekt që të reagonte duke treguar se kishte arritur të perceptonte lëvizjen e vijave të bardha e të zeza, kërkuesit vunë re se kur objektet ishin në përmasa të vogla personat (subjektet) me IQ më të lartë arrinin rezultate më të mira.

Duke vazhduar studimin e rezultateve të testeve, vunë re, jo me pak surprizë, edhe se, kur vijat në lëvizje ishin të mëdha dhe zinin një pjesë domethënëse të fushëpamjes, ndodhte ekzaktësisht e kundërta: personat, subjektet me IQ më të ulët arrinin rezultate më të mira.

Pritej që të gjithë personat të dilnin më pak të aftë në përcaktimin e lëvizjes së pamjeve me përmasa të mëdha, por personat me IQ të lartë patën rezultate shumë, por shumë më të kqija – statistikisht shumë të kqija. 🙂

Në trurin e individëve me kuocient inteligjence të lartë, ka diçka që i pengon të “shohin” me shpejtësi pamje me përmasa të mëdha.

Vështirësia e personave me IQ të lartë për të perceptuar lëvizjen e pamjeve me të mëdha, shpjegojnë autorët e studimit në fjalë, duket se është e bashkëlidhur me tendencën për të heshtur lëvizjet që ndodhin në sfond, që në pjesën më të madhe të rasteve, gjendjeve, situatave janë më pak të rëndësishme se lëvizjet e objekteve më të vogla të ndodhur në plan të parë.

Lidhja mes IQ-së dhe kohës së nevojshme për të perceptuar lëvizjen e "objekteve" të vogla dhe të mëdha. (© University of Rochester)

Lidhja mes IQ-së dhe kohës së nevojshme për të perceptuar lëvizjen e “objekteve” të vogla dhe të mëdha. (© University of Rochester)

Rezultatet, edhe pse u përsëritën me një grup më të gjerë personash, ishin statistikisht të paekuivok.

Shkencëtarët shtojë se, truri bie në kontakt me një sasi të jashtëzakonshme informacionesh ndijore, dhe efiçenca e tij përcaktohet jo vetëm nga shpejtësia me të cilën rrjetet tona neurale i përpunojnë këto informacione, por edhe nga sa të aftë janë të heshtin, supromojnë informacionet më pak relevante, më pak domethënëse. Përpunimi i shpejtë i informacionit është i kotë nëse nuk kufizohet tek informaciont me domethënëse.

  • Michael D. Melnick, Bryan R. Harrison, Sohee Park, Loisa Bennetto, Duje Tadin – A Strong Interactive Link between Sensory Discriminations and Intelligence (Current Biology) http://dx.doi.org/10.1016/j.cub.2013.04.053

Rinstinkt 2013

———————————————————————-

Advertisements

Lini një koment

Plotësoni më poshtë të dhënat tuaja ose klikoni mbi një nga ikonat për hyrje:

Stema e WordPress.com-it

Po komentoni duke përdorur llogarinë tuaj WordPress.com. Dilni / Ndryshoje )

Foto Twitter-i

Po komentoni duke përdorur llogarinë tuaj Twitter. Dilni / Ndryshoje )

Foto Facebook-u

Po komentoni duke përdorur llogarinë tuaj Facebook. Dilni / Ndryshoje )

Foto Google+

Po komentoni duke përdorur llogarinë tuaj Google+. Dilni / Ndryshoje )

Po lidhet me %s